Qytetarët e Fushë Kosovës, Obiliqit dhe lagjes “Kalabria” në Prishtinë janë përballur me mungesë të ujit të pijshëm prej disa ditësh për shkak të dëmtimit të një gypi kryesor furnizues. Kompania Rajonale e Ujësjellësit “Prishtina” ka njoftuar për punime intensive dhe reduktime në furnizim nga ora 12:00 deri në 17:00, duke paralajmëruar ndikime edhe në pjesë të tjera të kryeqytetit. Megjithatë, banorët e Obiliqit kundërshtojnë këtë version, duke thënë se nuk kanë pasur ujë fare që nga mëngjesi i së premtes dhe se nuk janë furnizuar as me kamionë. Zëdhënësja e KRU-së, Arjeta Mjeku, shpjegon se reduktimet janë të planifikuara, por në disa raste mungesa e ujit mund të jetë për shkak të mbushjes së rezervuarëve në banesa me kate të larta.