Gjatë vitit 2025, punëtorët e Komunës së Leposaviqit kanë hyrë dhe dalë pa asnjë evidencë të vijueshmërisë së tyre në punë, sipas raportit të Zyrës Kombëtare të Auditimit. As pajisjet elektronike të monitorimit, të instaluara në fund të vitit 2024, nuk kanë funksionuar për shkak të mungesës së ID-ve elektronike të zyrtarëve, ndërsa dokumentacioni fizik i prezencës nuk është ofruar. Kjo situatë është pasojë e mungesës së kontrolleve të brendshme nga ana e përgjegjësve, duke krijuar hapësirë për pagesa të mundshme fiktive dhe keqmenaxhim të stafit. Raporti rekomandon ndërmarrjen e masave urgjente për sigurimin e evidencës së rregullt të punonjësve, ndërkohë që drejtimi i komunës ka ndryshuar në fund të vitit 2025.