Gjykata Themelore në Prishtinë ka konfirmuar edhe në rigjykim dënimin prej 20 vjetësh burg ndaj Murat Dernjanit për krime kundër njerëzimit. Vendimi u mor pas anulimit të aktgjykimit fillestar nga Apeli dhe kthimit të çështjes për rigjykim, ku u vlerësua sërish fajësia e të akuzuarit. Përveç dënimit me burg, Dernjani është i detyruar të paguajë edhe shpenzimet e procedurës gjyqësore dhe kontribute për Fondin për Kompensimin e Viktimave të Krimit. Në procesin gjyqësor ishin të pranishëm prokurori special dhe mbrojtësi i të akuzuarit, ndërsa më parë ai ishte dënuar edhe për organizim dhe pjesëmarrje në grupe terroriste.