Sëmundja e murtajës ka prekur një tjetër kope bagëtish në fshatin Mali i Gjymtit të Shkodrës, duke shtuar numrin e bagëtive të prekur në zonën e Dajçit. Deri tani janë evidentuar dy ferma me rreth 190 krerë bagëti të imta që do të asgjësohen sipas protokolleve veterinare për të parandaluar përhapjen e mëtejshme të infeksionit. Origjina e sëmundjes mbetet e panjohur për shkak të mungesës së të dhënave mbi lëvizjet e kafshëve në fermat e prekura. Autoritetet lokale kanë mbyllur tregjet e kafshëve dhe kanë njoftuar se fermerët me bagëti të matrikuluara do të përfitojnë dëmshpërblim sipas ligjit në fuqi.