Mbrëmja e së premtes solli një situatë të frikshme për turistët në Himarë, të cilët u përballën me zjarre të mëdha dhe rrugë të bllokuara që penguan largimin e tyre. Disa prej tyre u detyruan të largoheshin përkohësisht nga hotelet dhe hostelet, duke pritur në restorante deri sa situata u qetësua. Turistët falënderuan stafin e hoteleve dhe zjarrfikësit për mbështetjen dhe profesionalizmin në menaxhimin e krizës. Edhe pse të tronditur nga ngjarja dhe dëmet në natyrë, ata ndihen sot më të sigurt dhe kanë vendosur të vazhdojnë pushimet në Himarë.