Gazetari dhe analisti i njohur Namir Lapardhaja është ndarë nga jeta në moshën 40-vjeçare, me shkak të një tromboze në sistemin e qarkullimit të gjakut. Lajmin e konfirmuan familjarët e tij, duke theksuar humbjen e një figure të rëndësishme në fushën e gazetarisë dhe analizës politike në vend. Lapardhaja ishte i njohur për analizat e tij të drejtpërdrejta dhe kritike mbi zhvillimet politike, si dhe për veprimtarinë e tij si autor librash, eseve dhe artikujsh të shumtë. Ai ishte gjithashtu një qytetar i angazhuar, i përkushtuar ndaj mësuesisë, gazetarisë dhe aktivizmit qytetar në qytetin e Beratit.