Elbasan Xhezair Shoshaj, njëri prej themeluesve të celulave të para të Ushtrisë Çlirimtare të Kosovës në rajonin e Prizrenit, është ndarë nga jeta. Ai njihej si veteran i luftës, veprimtar dhe patriot i përkushtuar, i cili i kushtoi jetën lirisë dhe atdheut. Kryetari i Prizrenit, Shaqir Totaj, përmes një postimi në Facebook, shprehu ngushëllimet më të sinqerta për familjen, bashkëluftëtarët dhe të gjithë ata që e njohën, duke theksuar kontributin e tij të vyer në luftë dhe punën e palodhur në shërbim të komunës. Kujtimi dhe vepra e Shoshajt do të mbeten pjesë e historisë dhe mirënjohjes së komunitetit të Prizrenit.