Komuna e Mitrovicës ka ndërmarrë masa për ndalimin e punimeve të paautorizuara në rrugën “Ali Zeneli”. Drejtori i Inspeksionit, z. Mujë Igrishta, së bashku me inspektorë komunalë, ka dalë në terren për të verifikuar situatën pas pranimit të informatës për punimet ilegale. Në vendin e ngjarjes është konstatuar se punimet po zhvilloheshin pa pëlqimin e institucioneve kompetente, ndaj të cilave janë ndërmarrë veprime të menjëhershme për ndalimin e tyre. Drejtori ka njoftuar se do të merren masa ligjore ndaj personave përgjegjës dhe se do të ndëshkohen të gjithë ata që veprojnë në kundërshtim me ligjin.