Kompania Rajonale e Ujësjellësit “Mitrovica” ka paralajmëruar ndërhyrje në gjashtë zona të rrjetit të ujësjellësit dhe kanalizimit gjatë ditës së sotme. Punimet do të zhvillohen në rrugët “Reshat Vallqi”, “Xhafer Deva”, “Dëshmorët e Kombit” dhe në fshatrat Kqiq i Madh, Vaganicë dhe Rahovë, ndërsa në rrjetin e kanalizimit do të punohet në Stan Tërg për debllokimin e kanalizimeve të bllokuara. Gjatë realizimit të punimeve mund të ketë ndërprerje të përkohshme të furnizimit me ujë, ndërsa pas rikthimit të tij, uji mund të jetë i turbullt për një periudhë të shkurtër. KRU “Mitrovica” u ka bërë thirrje konsumatorëve për mirëkuptim dhe bashkëpunim gjatë kësaj faze të punimeve.