Zv/rreshterja e Policisë së Kosovës, Sute Dreshaj nga fshati Nabërgjan i Pejës, ka ndërruar jetë në moshën 55-vjeçare pas një sëmundjeje të rëndë. Ajo shërbeu për shumë vite në njësitë kufitare në pikën kufitare Kullë, në kufirin Kosovë–Mali i Zi, duke u dalluar për përkushtim dhe disiplinë në detyrën e saj. Deri në fund të jetës, Dreshaj mbeti aktive në shërbimin e sigurisë kufitare dhe njihej si një police shumë e respektuar nga kolegët dhe komuniteti. Ceremonia e varrimit do të mbahet sot në varrezat e fshatit Nabërgjan, ku pritet të marrin pjesë familjarë, kolegë dhe qytetarë për t’i dhënë lamtumirën e fundit.