Kompania Rajonale e Ujësjellësit “Prishtina” ka njoftuar për ndërprerjen e energjisë elektrike në Impiantet e Trajtimit të Ujit “Shkabaj” dhe “Kodra 1”, që pritet të shkaktojë destabilizim të furnizimit me ujë të pijshëm në komunat e Fushë Kosovës, Obiliqit dhe në lagjen Kodra e Trimave në Prishtinë. Si pasojë e mungesës së energjisë, furnizimi me ujë mund të jetë i ndërprerë ose i paqëndrueshëm për një periudhë kohe. Pas rikthimit të energjisë, impiantet do të kenë nevojë për një kohë shtesë për të rifilluar funksionimin normal dhe për të arritur kapacitetin e plotë të furnizimit. KRU “Prishtina” ka kërkuar mirëkuptim nga qytetarët dhe ka premtuar informim të vazhdueshëm për çdo zhvillim të mëtejshëm lidhur me situatën.