Kompania Rajonale e Ujësjellësit “Prishtina” ka njoftuar se më 16 prill 2026 do të ketë ndërprerje të planifikuar të furnizimit me ujë në disa zona të kryeqytetit. Ndërprerja do të zgjasë nga ora 09:00 deri në orën 16:00 dhe është shkaktuar nga punimet në rrjetin e ujësjellësit në rrugën “Ulëza”, të cilat po realizohen nga Komuna e Prishtinës për lidhjen e një gypi të ri. Zonat e prekura janë Hajvalia (pjesërisht), Veterniku, lagjja Nic, lagjja Qershia, lagjja Qëndresa, lagjja Priam dhe fshati Miradi e Epërme. KRU “Prishtina” ka falënderuar qytetarët për mirëkuptim dhe ka garantuar se furnizimi me ujë do të rikthehet menjëherë pas përfundimit të punimeve.