KRU Prishtina ka njoftuar se nesër, nga ora 11:00 deri në 15:00, do të ketë ndërprerje të përkohshme të furnizimit me ujë në gypin kryesor që furnizon fshatrat në komunën e Podujevës. Kjo ndërprerje bëhet për shkak të punimeve dhe ndërhyrjeve teknike në rrjetin e ujësjellësit, me qëllim përmirësimin e shërbimit dhe sigurimin e një furnizimi më të qëndrueshëm në të ardhmen. Banorët e zonave të prekura janë lutur të marrin masat e nevojshme paraprake për furnizim me ujë gjatë kësaj periudhe. Pas përfundimit të punimeve, furnizimi do të rikthehet gradualisht në gjendje normale.