KRU “Prishtina” ka njoftuar se gjatë ditës së sotme do të kryhen punime të nevojshme mirëmbajtjeje në rrjetin e ujësjellësit në disa rrugë të kryeqytetit. Intervenimet do të zhvillohen në rrugë të ndryshme, përfshirë “Beteja e Kosharës”, “Ibrahim Fehmiu”, “Drenica”, “Ali Vitija” dhe të tjera, ku ekipet e mirëmbajtjes do të jenë të angazhuara për realizimin e punimeve. Për shkak të këtyre ndërhyrjeve, mund të ketë ndërprerje të përkohshme të furnizimit me ujë në zonat përkatëse. KRU Prishtina ka bërë thirrje për mirëkuptim dhe kujdes nga qytetarët gjatë kohës së punimeve në terren.