Njësia Operative e KRU “Gjakova” ka identifikuar dhe ndërprerë një kyçje ilegale në rrjetin e ujësjellësit në fshatin Shëngjergj të Komunës së Prizrenit. Një person kishte larguar ujëmatësin ekzistues gjatë ndërtimit të shtëpisë dhe ishte lidhur në mënyrë të kundërligjshme në një tjetër gyp të rrjetit. Ekipet e KRU “Gjakova” ndërhynë në terren për të ndërprerë këtë lidhje të paligjshme. Kompania ka njoftuar se do të ndërmarrë veprimet ligjore për keqpërdorimin e ujit dhe do të vazhdojë kontrollet për të mbrojtur rrjetin dhe për të parandaluar raste të ngjashme.