Një 47-vjeçar është arrestuar në flagrancë në Sarandë, pasi po kryente punime pa leje për ndërtimin e një objekti në zonën e plazhit “Shqiponja”. Policia gjeti një sipërfaqe toke të sheshuar dhe të mbuluar me materiale ndërtimore, si dhe sekuestruan 48 shezlongë dhe çadra që dyshohet se administroheshin pa leje. Në lidhje me këtë rast, specialisti i Policimit në Zonë është pezulluar dhe po i nënshtrohet procedimit disiplinor për mosveprim ndaj paligjshmërisë. Policia njofton se kontrollet do të vijojnë për parandalimin e veprimeve që dëmtojnë mjedisin dhe hapësirat publike, ndërsa materialet janë referuar Prokurorisë për veprime të mëtejshme.