Kryetari i Komunës së Mitrovicës, Faton Peci, ka njoftuar ndëshkimin e një operatori ekonomik që hodhi mbetje inerte nga një objekt në ndërtim në rrugën "Ukshin Kovaçica". Rasti u bë i ditur përmes një video-incizimi të dërguar nga një qytetar, dhe menjëherë pas pranimit të tij, Drejtoria e Inspekcionit ndërhyri duke shqiptuar gjoba ndaj investitorit dhe punëkryesit. Komuna kërkoi falje për shqetësimin e shkaktuar dhe theksoi se raste të tilla nuk do të tolerohen, duke paralajmëruar masa edhe më të rrepta për shkelësit e përsëritur, përfshirë pezullimin e punimeve. Qytetarët janë ftuar të raportojnë çdo rast të ngjashëm në numrin zyrtar të komunës, ndërsa është theksuar se askush nuk është mbi ligjin.