Drejtoria për Siguri dhe Emergjenca e Kryeqytetit, në bashkëpunim me Kryqin e Kuq të Kosovës, ka shpërndarë ndihma për familjet e evakuuara dhe qytetarët që pësuan dëme materiale nga vërshimet e fundit në Prishtinë. Ekipet në terren kanë ofruar pako ushqimore, higjienike dhe ujë të pijshëm për të lehtësuar situatën e vështirë të banorëve të prekur. Në njoftim theksohet angazhimi dhe solidariteti i vullnetarëve dhe partnerëve institucionalë, të cilët po punojnë me profesionalizëm dhe përkushtim. Drejtoria për Siguri dhe Emergjenca mbetet e mobilizuar për të garantuar reagim të shpejtë dhe mbështetje të vazhdueshme deri në stabilizimin e plotë të situatës.