Xhever Imeri, ndihmësdrejtori i Sektorit të Administratës në Drejtorinë e Doganave të Maqedonisë së Veriut, u arrestua pasi u kap duke marrë një ryshfet prej mbi 15 mijë eurosh në lidhje me një tender publik. Operacioni u organizua nga Ministria e Punëve të Brendshme dhe Byroja për Siguri Publike, të cilët përdorën para të shënuara për të dokumentuar veprën e tij. Pas marrjes së parave, Imeri tentoi të largohej duke mos iu bindur urdhrave të policisë, por u kap shpejt dhe u privua nga liria. MPB thekson se ky rast është një shembull i luftës pa kompromis kundër korrupsionit dhe se ligji do të zbatohet në mënyrë të barabartë për të gjithë, pavarësisht pozicionit që mbajnë.