Mbrëmjen e së dielës në lagjen “Vullnetari” në Elbasan, një person i paidentifikuar qëlloi me armë zjarri ndaj tre të rinjve në verandën e një lokali, duke i plagosur jashtë rrezikut për jetën. Të plagosurit, Bjorgi Hoxha, Armand Tomorrica dhe Renaldo Mance, morën ndihmën mjekësore dhe u larguan nga spitali brenda dy orëve, pasi plagët ishin të lehta. Në momentin e ngjarjes, në lokal ndodhej një oficer policie jashtë shërbimit, i cili menjëherë pas të shtënave u vuri në ndjekje autorit, i cili gjatë arratisjes hodhi armën e zjarrit, e cila u sekuestrua nga policia.