Mbrëmë rreth orës 22:15, në rrugën “Tahir Sinani” në Shtime, policia ka vërejtur një shofer që nuk i dha përparësi këmbësorëve dhe nuk iu bind urdhrit për ndalim. Pas sinjalizimit të alarmit të automjetit policor, i dyshuari rriti shpejtësinë dhe kreu manovra të rrezikshme, duke u përpjekur të largohej. Pas një ndjekjeje të shkurtër, ai u detyrua të ndalojë në një rrugë pa dalje dhe u arrestua pasi tentoi të arratisej me vrap, duke bërë rezistencë aktive dhe pësuar lëndime të lehta trupore. Personi i arrestuar, 21 vjeçari A.S., ishte në kërkim me urdhërarrest aktiv pasi kishte arratisur nga institucioni korrektues dhe kishte qëndruar jashtë vendit për rreth tre vjet; ai është ndaluar për 48 orë për procedura të mëtejshme ligjore dhe i është ofruar trajtim mjekësor.