Në rrugën “Xhavit Ahmeti” në Prishtinë, ndriçimi ka qëndruar i ndezur 24 orë në ditë për rreth tri javë, pas një periudhe prej katër muajsh pa funksionuar fare. Një qytetar ka ngritur shqetësimin për këtë situatë, duke kërkuar ndërhyrje urgjente nga Komuna dhe kryetari Përparim Rama, pasi dyshohet për keqpërdorim të energjisë elektrike dhe lidhje jo profesionale. Banorët e zonës kërkojnë që institucionet kompetente të verifikojnë rastin, të kontrollojnë lidhjen elektrike dhe të sqarojnë përgjegjësinë për faturimin e energjisë së shpenzuar. Deri tani, sipas ankesës, nuk është ndërmarrë asnjë veprim për zgjidhjen e problemit, duke rritur shqetësimin për shpenzime të panevojshme gjatë periudhës me temperatura të larta.