Qendra Klinike Universitare e Kosovës ka njoftuar se shërbimet për pacientët e hemodializës do të ofrohen përkohësisht në qendrat më të afërta me vendbanimin e tyre, për shkak të punimeve renovuese në Qendrën e Hemodializës. Ky organizim është bërë për të siguruar vazhdimësinë e trajtimit pa ndërprerje dhe për të ruajtur standardet e larta të kujdesit shëndetësor. Sistemi i ri i trajtimit është planifikuar dhe koordinuar nga stafi profesional në bashkëpunim me institucionet shëndetësore, duke garantuar trajtim të sigurt dhe efikas për pacientët. Pas përfundimit të renovimeve dhe krijimit të kushteve optimale, shërbimet e hemodializës do të rikthehen në QKUK, ndërsa Klinika e Nefrologjisë falënderon pacientët dhe familjarët për mirëkuptimin dhe bashkëpunimin gjatë kësaj periudhe.