Prokuroria Themelore Publike e Gostivarit po koordinon me Institutin e Shëndetit Publik analizat e mostrave të ujit nga ujësjellësi i qytetit. Me urdhër të prokurorit publik, janë duke u kryer ekzaminime të cilësisë së ujit, ndërsa lokacioni në Vrutok vazhdon të jetë i siguruar për të garantuar integritetin e provave. Rezultatet e analizave pritet të dorëzohen nesër, pas të cilave do të vendoset për hapat e mëtejshëm proceduralë. Prokuroria ka premtuar se opinioni do të informohet në kohën e duhur për çdo zhvillim lidhur me këtë çështje.