Një ngjarje e rëndë ka ndodhur në Podujevë ku katër persona janë plagosur dhe po trajtohen në Qendrën Klinike Universitare të Kosovës. Mes tyre është edhe një kalimtar i rastit, Argjend Islami, i cili u plagos duke kaluar në shesh në momentin e sulmit. Njëri prej të plagosurve, Agim Xhemaji, ndodhet në sallën e operacionit dhe është në gjendje të rëndë shëndetësore. Një tjetër i plagosur është Fidaim Zejullahu, shtetas gjerman, i lindur në vitin 1990, ndërsa në mesin e të plagosurve është edhe Fatlum Zejnullahu. Dyshohet se konflikti ka origjinë nga një mosmarrëveshje familjare që ka eskaluar në këtë akt dhune.