Sot në Istog ka ndodhur një rast i rëndë i vrasjes në tentativë, ku dy persona kanë mbetur të lënduar. Njëri prej tyre, një i mitur, ndodhet në gjendje kritike dhe është transferuar për trajtim në Qendrën Klinike Universitare të Kosovës (QKUK). Viktima tjetër ka marrë trajtim mjekësor dhe është jashtë rrezikut për jetën. Policia dhe prokurorja janë në vendin e ngjarjes duke zhvilluar hetimet e nevojshme, ndërsa për shkak të përfshirjes së personave të mitur, informacionet janë dhënë me rezervë.