Në Gjykatën Themelore të Ferizajt ka nisur seanca gjyqësore ndaj Leutrim Fejzës, i akuzuar për vrasjen e rëndë të Bekim Varit, ngjarje që tronditi opinionin publik në Kosovë. Bekim Vari ishte raportuar i zhdukur në janar të vitit 2025, ndërsa trupi i tij u gjet në fillim të shkurtit në një zonë malore të fshatit Manastirc. Sipas aktakuzës, Fejza dyshohet se ka kryer krimin pas një konflikti të mëparshëm me viktimën, duke e privuar nga jeta në rrethana mizore. Gjatë seancës pritet të dëshmojnë familjarë dhe dëshmitarë të tjerë, ndërsa prokuroria do të paraqesë provat dhe argumentet e saj lidhur me këtë rast.