Një ngjarje e rëndë ka ndodhur në Podujevë më 29 maj, ku një burrë 56-vjeçar, Gani Gashi, është arrestuar nën dyshimin për sulm seksual ndaj një vajze të mitur 15-vjeçare. Policia ka ndërhyrë pas marrjes së një informacioni për praninë e tij në shoqëri të vajzës në rrugën “Met Podujeva”, pranë ish-“Corner Bar”, ku i dyshuari dhe e mitura janë kapur duke u përqafuar. Pas arrestimit, Gashi është intervistuar në prani të avokatit mbrojtës, ndërsa viktima është marrë në pyetje në praninë e përfaqësuesve të Qendrës për Punë Sociale. Me urdhër të Prokurorit, rasti është iniciuar si “Sulm seksual”, dhe ndaj të dyshuarit është caktuar masa e ndalimit prej 48 orësh, ndërkohë që hetimet vazhdojnë për zbardhjen e plotë të rrethanave.