Gjatë përgatitjeve dhe faljes së namazit të Kurban Bajramit në xhaminë e fshatit Kmetoc, Haxhi Shefki Latifi ka ndërruar jetë papritur. Ngjarja e dhimbshme u bë e ditur nga familjarët e tij, të cilët njoftuan se ai u nda nga jeta në vendin ku e frekuentonte me përkushtim dhe ku ishte shumë i lidhur me komunitetin fetar. Haxhi Shefki Latifi përkujtohet si një besimtar i devotshëm dhe një figurë e respektuar në xhaminë e Kmetocit. Lajmi ka tronditur komunitetin lokal, duke lënë një boshllëk të madh në mesin e besimtarëve gjatë festës së Bajramit.