Një person mashkull është gjetur i vdekur në komunën e Shtërpcës të dielën, ndërsa policia e Kosovës ka nisur hetimet për zbardhjen e rrethanave të ngjarjes. Në vendin e ngjarjes kanë dalë njësitet policore dhe ekipi mjekësor, i cili ka konstatuar vdekjen e viktimës. Me vendim të prokurorit, trupi i pajetë është dërguar në Institutin e Mjekësisë Ligjore për obduksion, me qëllim përcaktimin e shkakut të vdekjes. Hetimet për këtë rast vazhdojnë, ndërsa autoritetet nuk kanë dhënë detaje të mëtejshme për momentin.