Xheraldina Krasniqi, motra e ish-banorit të Big Brother VIP Kosova dhe vlogerit të ndjerë Laurent Krasniqi, ka bërë një dedikim prekës në rrjetet sociale pas vdekjes së tij tragjike në një aksident trafiku në Llukar të Prishtinës. Në emër të saj, nënës dhe motrës, ajo falënderoi të gjithë ata që u kanë shprehur ngushëllime dhe kanë qëndruar pranë familjes në këto momente të vështira. Xheraldina theksoi se humbja e Laurentit ishte e rëndë jo vetëm për familjen, por edhe për të gjithë ata që e njihnin dhe e donin, duke e përshkruar atë si një person me energji pozitive dhe vepra të mira. Ajo shprehu krenarinë e familjes dhe shpresën që shpirti i Laurentit të prehet në paqe pranë babait, duke kërkuar forcë dhe durim për të vazhduar jetën pa të.