Pas 35 vitesh shërbim të palodhur në Policinë e Kosovës, togeri Fadil Gashi ka vendosur të pensionohet, duke mbyllur një kapitull të gjatë në karrierën e tij. Ai u bë një figurë e njohur për qytetarët, kolegët dhe gazetarët, si zëri kryesor i Policisë së Pejës për informacione zyrtare dhe raportime të ndryshme. Gashi ishte pika kyçe e komunikimit mes Policisë dhe mediave, duke siguruar informacion të saktë dhe të besueshëm për ngjarjet në rajon. Pensionimi i tij shënon fundin e një epoke dhe lë pas një trashëgimi të rëndësishme në bashkëpunimin mes institucioneve dhe publikut.