Ministria e Shëndetësisë njofton me mirënjohje vendimin e një familjeje që në momentet më të vështira të jetës së tyre dhuroi organe, duke shpëtuar disa jetë njerëzish. Një pacient 52-vjeçar, i cili priste prej vitit 2021 për transplantim, ka marrë një zemër të re, ndërsa një djalë 23-vjeçar ka përfituar një veshkë, duke fituar mundësinë për një jetë më cilësore. Përveç organeve, janë dhuruar edhe inde kockore që do të ndihmojnë në rikthimin e shëndetit të pacientëve të tjerë. Ministria shpreh respekt dhe falënderim për familjen dhe stafin mjekësor, duke e konsideruar këtë akt human si një udhërrëfyes për krijimin e politikave të ardhshme në fushën e transplantimit.