Një aksident trafiku ka ndodhur këtë të martë në rrugën “Enver Maloku” në Prishtinë, ku një veturë ka goditur një këmbësor. Ngjarja u raportua rreth orës 11:30 dhe u konfirmua nga zëdhënësi i policisë për rajonin e Prishtinës, Enis Pllana. Personi i goditur ka pësuar lëndime dhe është dërguar për tretman mjekësor. Në lidhje me këtë rast po kryhen hetime nga Trafiku i Kryeqytetit, ndërsa informacionet fillestare tregojnë se situata është nën kontroll dhe po punohet për zbardhjen e plotë të ngjarjes.