Seanca plenare e Kuvendit të Shqipërisë u hap me një minutë heshtje në nderim të dy fëmijëve të mitur që humbën jetën në një aksident tragjik në Durrës. Ngjarja ndodhi në zonën e ish-Kënetës, ku një automjet i drejtuar nga një person në gjendje të dehur përplasi tre fëmijë që po luanin në trotuar, duke shkaktuar vdekjen e dy prej tyre dhe plagosjen e një tjetri. Drejtuesi i mjetit, një 57-vjeçar me precedentë për shkelje të rregullave të qarkullimit dhe me patentë të pezulluar, u arrestua menjëherë pas aksidentit. Deputetët shprehën respektin e tyre duke u ngritur në këmbë gjatë minutës së heshtjes, ndërsa seanca vijoi me rendin e ditës.