Blerina Maloku, 22 vjeçe nga fshati Samadrexhë i Vushtrrisë, vazhdon të jetë në kërkim nga Policia e Kosovës prej një muaji, nën dyshimin për përfshirje në veprimtari të paligjshme që lidhen me narkotikët. Ajo dyshohet si bashkëkryesëse në blerjen, posedimin, shpërndarjen dhe shitjen e paautorizuar të narkotikëve dhe substancave psikotrope. Me autorizim të Prokurorisë Themelore në Pejë, Departamenti për Krime të Rënda ka shpallur në kërkim të dyshuarën dhe ka publikuar fotografinë e saj për të ndihmuar në lokalizimin dhe arrestimin e saj. Policia i ka bërë thirrje qytetarëve që të bashkëpunojnë nëse kanë informacione, ndërsa hetimet për këtë rast vijojnë ende.