Gjykata Themelore në Prishtinë ka caktuar masën e paraburgimit prej një muaji ndaj Besart Kelmendit, i njohur si Gjesti, i dyshuar për veprat penale “kanosja”, “asgjësimi apo dëmtimi i pasurisë” dhe “mbajtja në pronësi, kontroll ose posedim të paautorizuar të armëve”. Masa është vendosur pas kërkesës së Prokurorisë Themelore në Prishtinë dhe është konsideruar e bazuar nga gjykata, e cila ka vlerësuar se ekzistojnë rreziqe për ikje, ndikim në dëshmitarë dhe përsëritje të veprës penale. Seanca ndaj Gjestit u mbajt me dyer të mbyllura, ndërsa ai u ndalua nën dyshimin për këto vepra penale. Palët e pakënaqura kanë të drejtë të ankohen në Gjykatën e Apelit përmes Gjykatës Themelore në Prishtinë.