Gjykata Themelore në Prishtinë ka caktuar masën e paraburgimit prej një muaji ndaj të pandehurit Zoran Stankoviq, i dyshuar për krime lufte kundër popullatës civile. Vendimi është marrë nga Departamenti Special pas aprovimit të kërkesës së Prokurorisë Speciale të Kosovës, me arsyetimin se ekziston rreziku i arratisjes dhe pengimit të procedurës penale. Gjykata ka vlerësuar se masa e paraburgimit është adekuate, pasi i pandehuri posedon edhe shtetësinë e Serbisë dhe mund të largohet nga Kosova ose të fshehë prova nëse lihet në liri. Palët e pakënaqura kanë të drejtë ankese në Gjykatën e Apelit përmes Gjykatës Themelore në Prishtinë.