Gjykata Themelore në Gjakovë ka caktuar masën e paraburgimit prej një muaji për tre të dyshuarit, H.D., A.D. dhe E.G., të përfshirë në një rast të tentativës së vrasjes dhe rrahjes. Ngjarja ka ndodhur më 10 gusht 2026 në rrugën “Dëshmorët e Hereçit” në Gjakovë, ku H.D. ka qëlluar me armë zjarri në drejtim të një personi, duke e plagosur në këmbën e majtë. I dëmtuari është dërguar për trajtim në Spitalin Rajonal “Isa Grezda”, ndërsa i pandehuri është larguar nga vendi i ngjarjes. Vendimi për paraburgim është marrë pas vlerësimit të kushteve ligjore nga gjyqtari i procedurës paraprake dhe palët kanë të drejtë ankese në Gjykatën e Apelit të Kosovës.