Këngëtari i njohur Rigel Rajku, i njohur si Noizy, është paraqitur në Gjykatën e Posaçme Kundër Korrupsionit dhe Krimit të Organizuar (GJKKO) si dëshmitar në procesin gjyqësor ndaj bandës së Laert Haxhiut. Ai është thirrur për të dëshmuar lidhur me ngjarjen e vendosjes së tritolit në dyqanin e tij në Durrës, një prej krimeve që i atribuohen kësaj bande. Në këtë proces po ashtu dëshmitar është edhe babai i tij, Bashkim Rajku, ndërsa avokatët kanë kërkuar thirrjen e rreth 60 dëshmitarëve për të sqaruar rrethanat e çështjes. Laert Haxhiu mbahet në burgun e sigurisë së lartë në Drenovë dhe nuk është paraqitur fizikisht në sallën e gjyqit, ndërsa një dëshmitar tjetër i rëndësishëm është Kleviol Ahmetaj, i njohur si “Cllevio”, i ekstraduar nga Dubai.