Tre luanë në kopshtin zoologjik Tama në Tokio kanë ndërruar jetë si pasojë e nxehtësisë ekstreme që ka përfshirë Japoninë këtë verë. Kjo është vera më e nxehtë e regjistruar ndonjëherë në vend, me temperatura që kanë arritur deri në 40 gradë Celsius dhe lagështi të lartë, duke krijuar kushte të rënda për kafshët. Në total, 10 nga 16 luanët kanë shfaqur simptoma si humbja e oreksit dhe ulja e aktivitetit, ndërsa tre luanesha kanë vdekur nga dehidratimi dhe dështimi i shumëfishtë i organeve. Kopshti zoologjik ka forcuar masat për t’u përballur me nxehtësinë, por ndryshimet klimatike dhe nxehtësia e papritur pas sezonit të shirave kanë bërë që situata të jetë jashtëzakonisht e vështirë për kafshët.