Një nxënës 15-vjeçar me inicialet N.SH. nga Shtimja ka treguar një shembull të lartë ndershmërie dhe përgjegjësie qytetare, duke dorëzuar në polici një shumë prej 180 eurosh që kishte gjetur rastësisht në rrugën “Tahir Sinani”. Pa hezitim, ai u drejtua në stacionin policor për t’i dorëzuar paratë, duke treguar integritet dhe vetëdije të lartë qytetare. Pas verifikimeve të shpejta nga policia, u identifikua pronarja e parave, qytetarja me inicialet F.H., e cila në prani të policisë mori shumën e plotë dhe falënderoi nxënësin për veprimin e tij. Drejtoria Rajonale e Policisë në Ferizaj e vlerësoi këtë veprim si shembullor, duke theksuar rëndësinë e edukatës familjare dhe besimin në institucionet e rendit.