Policia në Shtime ka përmbyllur projektin edukativ "Edukimi i nxënësve për siguri dhe zbatimin e rregullave të trafikut", ku janë përfshirë 54 nxënës nga dy shkolla të ndryshme. Ky projekt ka përfshirë ligjërata mbi sigurinë e këmbësorëve, të mbajtura më 29 dhe 30 prill 2026, me fokus në rregullat bazë të lëvizjes dhe kalimin e sigurt të rrugës. Më 4 maj, nxënësit kanë marrë pjesë në aktivitete praktike në terren, duke ushtruar kalimin në vendkalimet e shënuara dhe ndalimin e automjeteve në bashkëpunim me zyrtarët policorë. Mësimdhënësit dhe drejtuesit e shkollave kanë vlerësuar lartë këtë iniciativë, duke theksuar rëndësinë e njohurive të fituara për sigurinë në trafik.