Policia e Dibrës zhvilloi një operacion antidrogë të koduar “Deja”, ku gjatë kontrolleve intensive në terren dhe monitorimit me dronë u zbulua një parcelë me 1121 bimë të dyshuara narkotike Cannabis Sativa në zonën e Liqenit të Lukanit, pronë publike në territorin e bashkisë Dibër. Gjatë ndërhyrjes, u arrestuan në flagrancë dy persona, A. K., 38 vjeç nga Kamza, dhe A. B., 39 vjeç nga fshati Derjan i bashkisë Mat, të cilët dyshohen për kultivim të bimëve narkotike. Bimët e gjetura u asgjësuan me djegie në vendngjarje, ndërsa materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Dibër për veprime të mëtejshme. Policia u bëri apel qytetarëve, veçanërisht banorëve të zonave rurale, që të bashkëpunojnë duke denoncuar çdo rast të dyshuar për kultivim bimësh narkotike, për të parandaluar dhe goditur këtë veprimtari kriminale.