Policia e Tiranës finalizoi operacionin antidrogë të koduar “Different”, duke goditur dy raste të shpërndarjes së kokainës dhe kanabisit në kryeqytet. Gjatë aksionit u arrestuan tre persona: Bekim Rrustemaj (22 vjeç), Redon Nela (27 vjeç) dhe Bledar Kalaja (49 vjeç), ndërsa u proceduan penalisht djali 18-vjeçar i Kalasë dhe një shtetas tjetër. Droga u gjet e fshehur në mënyra të ndryshme, përfshirë brenda tullave të mureve, në lokalin e 49-vjeçarit dhe në automjete, ku njëri prej tyre kishte edhe një tabelë policie. Gjatë kontrollit u sekuestruan doza të gatshme për shitje, telefona celularë dhe para të dyshuara si të përfituara nga aktiviteti kriminal, ndërsa materialet iu referuan Prokurorisë për veprime të mëtejshme.