Agjencia e Mbikëqyrjes Policore (AMP) ka nisur një operacion të gjerë në Sarandë, Ksamil dhe zonat përreth, duke hetuar efektivë policie të dyshuar për përfshirje në favorizimin e ndërtimeve pa leje. Burimet bëjnë me dije se hetimet janë në fazë intensive dhe pritet që të ketë masa të menjëhershme, përfshirë edhe urdhër-arreste ndaj disa punonjësve të Komisariatit të Sarandës. Operacioni synon të zbardhë lidhjet e mundshme të policisë me aktivitetet e paligjshme në ndërtim dhe të vendosë drejtësi në këtë çështje. Detaje të mëtejshme priten të dalin në ditët në vijim, ndërsa situata mbetet në zhvillim e sipër.