Policia e Beratit ka kryer një operacion të gjerë kundër personave të dyshuar për këmbim valutor pa licencë, duke ekzekutuar 11 masa sigurie. Katër persona janë vendosur në arrest shtëpie, ndërsa shtatë të tjerë kanë detyrim paraqitjeje dhe ndalim daljeje jashtë shtetit. Gjatë kontrolleve janë sekuestruar mbi 118 mijë euro, 8.8 milionë lekë dhe valuta të tjera, si dhe pajisje elektronike që përdorej në aktivitetin e paligjshëm. Hetimet zbuluan se këmbimi valutor pa licencë kryhej në disa subjekte në Berat, Kuçovë, Skrapar dhe Dimal, ndërsa materialet iu referuan Prokurorisë për veprime të mëtejshme penale.