Në orët e para të mëngjesit në Prishtinë është zhvilluar një operacion i gjerë policor kundër dyshimeve për shpëlarje parash. Policia e Kosovës, në bashkëpunim me autoritetet italiane Guardia di Finanza dhe Europol, ka bastisur disa lokacione në kryeqytet dhe ka sekuestruar automjete që dyshohen të jenë të lidhura me veprimtarinë kriminale. Gjatë aksionit është arrestuar një person, ndërsa hetimi lidhet me një rast të mëparshëm të arrestimit të një shtetasi kosovar në Itali. Sinjali do të vazhdojë të raportojë për çdo zhvillim të ri lidhur me këtë operacion.