Policia e Kosovës, në bashkëpunim me Prokurorinë, po zhvillon një operacion të gjerë në disa qytete për të goditur lokalet që organizojnë ilegalisht lojëra të fatit. Aksioni përfshin qytete si Prishtinë, Mitrovicë, Vushtrri, Skenderaj dhe Istog, ku njësitë speciale janë në terren duke bastisur vendet e dyshuara. Në Mitrovicë, ky operacion është pjesë e një plani të koordinuar nga Drejtoria për Hetimin e Krimit të Organizuar dhe Krimeve të Rënda, me fokus në luftimin e aktiviteteve të paligjshme që lidhen me lojërat e fatit. Autoritetet ende nuk kanë dhënë detaje zyrtare mbi arrestimet apo masat e tjera, ndërsa aksioni vazhdon dhe pritet të ketë zhvillime të reja në ditët në vijim.