Policia Financiare, në bashkëpunim me Prokurorinë për Ndjekjen e Krimit të Organizuar dhe Korrupsionit, ka kryer bastisje në disa lokacione për shkak të dyshimeve për krim financiar dhe korrupsion. Aksioni po zhvillohet me urdhër të gjykatës dhe ka përfshirë shtëpi, objekte afariste dhe vende të tjera në disa pjesë të vendit. Gjatë operacionit janë arrestuar disa persona, ndër të cilët, sipas burimeve jozyrtare, mund të jetë edhe ish-drejtori i Drejtorisë së Doganave, Stefan Bogoev. Prokuroria ka konfirmuar aksionin dhe ekzistencën e dyshimeve për veprime korruptive, por nuk ka dhënë detaje të mëtejshme pasi hetimet janë ende në zhvillim.